Hindistanda bəbir hücumu: 13 yaralı

Hindistanın Assam əyalətindəki Rainforest Araşdırma İnstitutunun şəhərciyinə girən bəbir ətraf ərazilərə hücum edib. Nəticədə azı 13 nəfər xəsarət alıb.

Qazet.az TRTHaber-ə istinadən xəbər verir ki, yaxınlıqdakı meşədən gəldiyi düşünülən bəbir Hindistanın Assam ştatının Corhat şəhərindəki Yağış Meşələri Araşdırma İnstitutunun kampusuna daxil olub.

Səlahiyyətlilərdən qaçarkən ətrafdakı insanlara hücum edən bəbir qadın və uşaqların da olduğu 13 nəfəri yaralayıb.

Yaralılar xəstəxanaya çatdırılıb

Polis rəisi Mohan Lal Meena yaralananlardan üçünün institutun işçisi olduğunu bildirib və "Yaralıların hamısı yerli xəstəxanaya yerləşdirilib" deyib.

Videoda bəbirin nəqliyyat vasitəsinə tullanaraq ərazidən uzaqlaşarkən bağdan qaçaraq yola çıxdığı görünür.