Hindistanda kimya zavodunda partlayış olub, ölən və yaralılar var

Yanvarın 1-də Hindistanın Maharaştra ştatının Nasik rayonunda kimyəvi zavodda baş vermiş partlayış nəticəsində azı bir nəfər ölüb, 17 nəfər yaralanıb.

Qazet.az xəbər verir ki, bu barədə “Press Trust of India” məlumat yayıb.
 

Müəssisədə qazanın naməlum səbəbdən partladığı bildirilir. Partlayış o qədər güclü olub ki, yaxınlıqdakı kəndlərdə eşidilib, yanğın və tüstü uzaqdan görünüb.

Agentliyin məlumatına görə, hazırda fabrikdən 19 nəfər xilas edilib, onlardan 17-si yerli klinikaya yerləşdirilib, yaralılardan dördünün vəziyyəti ağırdır.