“Huawei” şirkətinin mədaxili azalıb

Azalmanı COVID-19 pandemiyası və ABŞ tərəfindən tətbiq olunan sanksiyalar şərtləndirib

İlkin hesablamalara görə, 2021-ci ildə Çinin “Huawei” şirkətinin satışdan mədaxili 28,8% azalaraq 634 milyard yuan (təxminən 99 milyard ABŞ dolları) təşkil edib.

Qazet.az TASS-a istinadən xəbər verir ki, azalmanı COVID-19 pandemiyası və ABŞ tərəfindən tətbiq olunan sanksiyalar şərtləndirib.

“2022-ci ildə bir sıra çağırışlara cavab verməliyik. Mürəkkəb dövrü arxada qoymaq üçün dünya üzrə tərəfdaşlarımızla yorulmadan səy göstərəcəyik”, - şirkətin bəyanatında deyilir.