İki gəmi Ukraynadan İtaliyaya buğda və qarğıdalı çatdıracaq

Cümə günü 45 min tondan çox buğda və qarğıdalı olan iki quru yük gəmisi Ukrayna limanlarını tərk edib,

Qazet.az bu barədə Interfax Birgə Koordinasiya Mərkəzinə (JCC) istinadən xəbər verir.

“Yanvarın 5-də Ukrayna limanlarını tərk edən iki gəmi Qara Dəniz Taxıl Təşəbbüsü çərçivəsində ümumilikdə 45,3 min ton taxıl və digər ərzaq məhsulları daşıyır”, - məlumatda deyilir.

“Lady Divina” (18,3 min ton buğda) və “Med Island” (27 min ton qarğıdalı) quru yük gəmiləri İtaliyaya gedib.

Yanvarın 6-da humanitar dəhlizdən keçən limanlara 6 quru yük gəmisi də göndərilir.

“Yanvarın 6-na Ukraynanın üç limanından ixrac edilən taxıl və digər kənd təsərrüfatı məhsullarının ümumi tonajı 16 milyon 832 min 561 ton təşkil edir. Ümumilikdə, hazırda 1250 gəmiyə hərəkətə icazə verilib: 622-si Ukrayna limanlarına gəlmək, 628-i isə onlardan çıxmaq üçün”, - SKC yekunlaşdırıb.