İki lider Qazaxıstanda görüşəcək

Prezident Rəcəb Tayyib Ərdoğan Qazaxıstanda Rusiya Prezidenti Vladimir Putinlə görüşəcək.

Qazet.az xəbər verir ki, bu barədə CNN məlumat yayıb. 

TRT Haberin xəbərinə görə; Prezident Ərdoğan Qazaxıstanla təmaslarının 2-ci günündə Asiyada Əməkdaşlıq və Etimad Tədbirləri Müşavirəsinin VI Zirvə Toplantısında dövlət və hökumət başçıları qarşısında çıxış edəcək və müxtəlif ikitərəfli görüşlər keçirəcək.

Ərdoğan ikitərəfli danışıqlar çərçivəsində əvvəlcə Belarus prezidenti Aleksandr Lukaşenko, daha sonra isə Rusiya prezidenti Vladimir Putinlə görüşəcək.

Prezident Ərdoğanın Putinlə Rusiya-Ukrayna müharibəsindəki son vəziyyəti, Türkiyənin sülh səylərini və taxıl dəhlizini müzakirə edəcəyi gözlənilir.

Bundan əlavə, Suriyadakı hadisələr də müzakirə mövzusu olacaq.