"İlin ikonası" seçildi

Aktrisa Mişel Yeo ABŞ-nin məşhur "TIME" jurnalı tərəfindən "ilin ikonası" seçilib.

Qazet.az xəbər verir ki, malayziyalı olan aktrisa 1997-ci ildən etibarən Hollivudda filmlərə çəkilir. 

O, Hollivudda debütünü 1997-ci ildə Ceyms Bond filmi olan "Sabah heç vaxt ölməz" filmində edib və bu uğurun ardınca "Parçalanan Pələng, Gizli Əjdaha", "Dəli Zəngin Asiyalılar" və "Şanq-Çi və Əfsanə" kimi böyük filmlərdə rol aldı. 

Malayziyalı 60 yaşlı aktrisa bu vaxta qədər Hollivud dünyasında belə ada layiq görülməyib.

Aktrisa mükafat almağı haqqında bunları deyib:

"Mən bu barədə düşündüm. Və təkcə mən yox, hiss edirəm ki, bütün Asiya dünyası bu barədə düşünüb. Yanıma gəlib “bizim üçün bunu edirsən” deyə onlar həmişə mənə bildirir".