İngiltərəli futbolçu "Liverpul"un tarixinə düşüb
İdman
17:16 15 may, 2022
32 yaşlı yarımmüdafiəçi Mersisayd təmsilçisində 6 fərqli titul əldə edən ilk kapitan olub
"Liverpul"un futbolçusu Cordan Henderson İngiltərə klubunun tarixinə düşüb.
Qazet.az-ın məlumatına görə, 32 yaşlı yarımmüdafiəçi Mersisayd təmsilçisində 6 fərqli titul əldə edən ilk kapitan olub.
Yurgen Kloppun baş məşqçi olduğu komanda son olaraq İngiltərə Kubokunun finalında "Çelsi"ni əsas və əlavə vaxtı qolsuz başa çatan görüşün penaltilər seriyasında 6:5 hesabı ilə üstələyib.
Qeyd edək ki, Henderson daha əvvəl "Liverpul"la İngiltərə Premyer Liqasını, UEFA Çempionlar Liqasını, UEFA Super Kubokunu, İngiltərə Liqa Kubokunu və klublararası dünya çempionatını qazanıb.