"İphone" istifadəçiləri üçün YENİLİK

"Apple" istifadəçilər üçün yenilik edib.

Qazet.az xəbər verir ki, şirkətin marketinq direktoru Qreq Cosviak bildirib ki, "Apple" Aİ tələblərinə uyğun olmaq üçün iPhone-da USB-C şarj portu tətbiq etməli olacaq.

Eyni zamanda o, simsiz şarj cihazlarının istifadəsinin problemi həll edə biləcəyinə işarə edib.

"Apple" USB Type-C şarj portu ilə iPhone-u istehsal edəcəyini təsdiqləyib.

Qreq Cosviak "Aydındır ki, biz buna əməl etməli olacağıq, başqa seçimimiz yoxdur"deyə bildirib.

O, Apple-ın USB-C ilə "iPhone" istehsalına nə vaxt başlayacağı ilə bağlı ətraflı məlumat verməkdən imtina edib.

Qeyd edək ki, Aİ-də qəbul edilən qanun 2024-cü ilin payızından başlayaraq bütün mobil telefon və planşetlərin USB-C şarjından istifadə etməsini tələb edir.