Bakı 16˚C Partly sunny w/ showers

İran bir aydan sonra atom bombasını yarada bilər? - ARAŞDIRMA

Gündəm 16:41 14 sen, 2021

İranın ikinci atom bombası yaratması üçün təxminən üç ay müddətə ehtiyacı var

İran bir aydan sonra atom bombasını yarada bilər? - ARAŞDIRMA

Təxminən bir ay sonra İran ilk atom bombasını yaratmaq üçün kifayət qədər zənginləşdirilmiş uran əldə edəcək və bunu ABŞ-a qarşı təzyiq vasitəsi kimi istifadə edərək nüvə anlaşmasında daha əlverişli şərtlər qazanmağa çalışacaq.

Qazet.az xəbər verir ki, bununla bağlı “The New York Times” qəzetində yazı dərc olunub.

Belə ki, İranın ikinci atom bombası yaratması üçün təxminən üç ay, üçüncüsünü yaratmaq üçün isə beş aydan bir qədər az müddətə ehtiyacı var.

Bu qənaətə Beynəlxalq Atom Enerjisi Agentliyinin (MAQATE) son hesabatlarına əsaslanaraq, Elm və Beynəlxalq Təhlükəsizlik İnstitutu gəlib.

Hesabatın müəllifi Devid Olbraytdır.

Rəsmi Tehran isə öz növbəsində nüvə silahı arsenalı yaratmaq niyyətində olmadığını bəyan etməyə davam edir.

ABŞ-ın hazırkı Prezidenti Co Bayden administrasiyasının üzvləri hələ sözügedən hesabata münasibət bildirməyiblər.