İran rəsmisi: Qələbənin ildönümünü alqışlayırıq!

Buna görə də, işğal olunmuş ərazilərin azad olunması münasibətilə bu ölkəni təbrik etdik və bu gün də bu qələbənin ildönümünü alqışlayırıq. 

Həmişə Azərbaycan Respublikasının ərazilərinin işğalının əleyhinə olmuşuq.

Qazet. az APA-nın Tehran bürosuna istinadən xəbər verir ki, bu barədə İran Xarici İşlər Nazirliyinin sözçüsü Səid Xətibzadə bu gün keçirilən mətbuat konfransında bildirib.

O, Azərbaycan və İran arasında yaranmış anlaşılmazlıqların aradan qaldırılmasının əhəmiyyətindən danışıb. XİN-nin rəsmisinin sözlərinə görə, hər iki ölkənin rəhbərliyi problemlərin həlli və əlaqələrin gücləndirilməsində iradə nümayiş etdirir.

S. Xətibzadə qeyd edib ki, son 30 il ərzində İran həmişə Azərbaycan Respublikasının ərazilərinin işğalına qarşı olub: “Azərbaycanın ərazi bütövlüyünün qorunmasına hörmətlə yanaşmışıq və ərazi bütövlüyünü dəstəkləmişik. Buna görə də, işğal olunmuş ərazilərin azad olunması münasibətilə bu ölkəni təbrik etdik və bu gün də bu qələbənin ildönümünü alqışlayırıq. Bu şəraitdə ən önəmli məsələ mətbuatda və ictimaiyyətdə yaranan bəzi anlaşılmazlıqları aradan qaldırmaqdır”.

Nazirlik rəsmisi vurğulayıb ki, iki ölkənin XİN rəhbərləri və onların müavinləri arasında, eləcə də digər məsul şəxslər arasında nizamlı danışıqlar aparılır: “Ümid edirik ki, bu danışıqlarla iki ölkə arasında anlaşılmazlıqlar aradan qaldırılacaq və əlaqələr daha da inkişaf edəcək”.