İranın iki şəhərində ayətullah Xomeyninin ev muzeyləri yandırıldı

İrandakı 1979-cu il fevral inqilabının lideri sayılan ayətullah Ruhullah Musəvi Xomeynin doğulduğu Xomeyn və Qum şəhərlərindəki ev muzeyləri yandırılıb.

Qazet.az xəbər verir ki, məlumatı “İran İnternational” yayıb.

Məlumata görə, etiraz aksiyalarında Tehran hakimiyyətinin hərbi-polis qüvvələri tərəfindən öldürülənlər nümayişlə yad olunub.

Aksiya iştirakçıları “Diktatora ölüm!”, "Xameneiyə ölüm!“ şüarları səsləndiriblər

Üç il əvvəl, 2019-cu ilin noyabr ayında ərzaq mallarının qiymətlərinin qalxmasına etiraz yürüşlərində 1 500-dən çox aksiya iştirakçısı hərbi-polis qüvvələri tərəfindən qətlə yetirilmişdi. Həmin qurbanların şəkilləri də dünənki yürüşlərdə qaldırılıb.

Etiraz aksiyaları gecə yarısınadək davam edib. Onlar tonqal qalayaraq “Hicabla, ya hicabsız inqilaba gedirik!” şüarını səsləndiriblər.