İraqın Kərkük vilayətindəki partlayışda ölənlərin sayı artıb - YENİLƏNİB

İraqın Kərkük vilayətində partlayış nəticəsində həlak olan polislərin sayı 10-a çatıb.

Qazet.az xəbər verir ki, bu barədə “Al Arabiya” telekanalı məlumat yayıb.

"Shafaq News" xəbər portalının məlumatına görə, partlayışdan sonra təhlükəsizlik qüvvələri ilə pusqu quran bir qrup silahlı arasında atışma başlayıb. Terrorçulardan biri məhv edilib. Hazırda Əl-Xuveyci bölgəsində polis qaçmağa müvəffəq olmuş terrorçuların tutulması üçün genişmiqyaslı xüsusi əməliyyat keçirir.

Qeyd edək ki, hadisə Kərkük vilayətinin şimalında Əl-Xuveyca kəndi yaxınlığında baş verib.

***

İraqın Kərkük vilayətinin şimalında partlayış baş verib, federal polisin 8 əməkdaşı ölüb.

Qazet.az xəbər verir ki, bu barədə “Rudaw” telekanalı məlumat yayıb.

Silahlıların bir neçə polis avtomobilinin marşrutu boyunca yerləşdirdiyi partlayıcı işə düşüb.

Hüquq-mühafizə orqanlarının məlumatına görə, ölənlər arasında Daxili İşlər Nazirliyinin qüvvələrinin zabiti də var.

Hadisə baş verən vaxt polis əməkdaşları Əl-Xuveyca kəndi yaxınlığındakı ərazidə patrul aparırmış.

Partlayışın İŞİD tərəfindən törədildiyi güman olunur.