İrəvanın mərkəzində atışma: yaralılar var

Güllə yaraları ilə universitet xəstəxanasına yerləşdiriliblər

Ermənistanın paytaxtı İrəvan şəhərinin mərkəzində atışma baş verib.

Qazet.az xəbər verir ki, bu barədə "Shamshyan" məlumat yayıb.

Məlumata görə, hadisə saat 14:50 radələrində Əmiryan və Zəkyan küçələrinin kəsişməsindəki evlərin birinin həyətində baş verib.

Hadisə nəticəsində İrəvan sakinləri: 43 yaşlı Romeo G. və 35 yaşlı Qaqik G. müxtəlif dərəcəli güllə yaraları ilə universitet xəstəxanasına yerləşdiriliblər. 

Zərərçəkənlər hadisə ilə bağlı izahat verə bilməyiblər və hadisə yerinə gələn əməliyyatçılar 1 güllə, 1 patron darağı və avtomobil hissələrinin qəlpələri aşkar ediblər.

Nəşrin məlumatına görə, hüquq-mühafizə orqanlarının əməkdaşları atəş açdığı iddia edilən şəxsin kimliyi barədə məlumatlara malikdir. Onun tapılması istiqamətində addımlar atılır.