İşıqlar söndü, Bakı-Sumqayıt yolunda hərəkət iflic oldu

Bu gün səhər saatlarından etibarən Masazır qəsəbəsində elektrik enerjisinin verilməsi dayandırılıb.

Qazet.az xəbər verir ki, nəticədə Masazır dairəsindəki işıqforlar işləməyib. Bu isə avtomobillərin hərəkətinə maneələr yaradıb.

Bakı-Sumqayıt və Masazır-Xırdalan istiqamətdə kilometrlərlə tıxac yaranıb. Tıxacın hələ də davam etdiyi bildirilir.

Elektrik enerjisinin qəsəbəyə nə vaxt veriləcəyi isə məlum deyil.