İspaniya müasir hava hücumundan müdafiə sistemlərini Ukraynaya təhvil verəcək

İspaniya dörd Hawk hava hücumundan müdafiə sistemini Ukraynaya təhvil verməyi planlaşdırır.

Qazet.az xəbər verir ki, bunu NATO-nun baş katibi Yens Stoltenberq deyib.
 

"NATO-dakı müttəfiqlər Ukraynanı artilleriya, hava hücumundan müdafiə vasitələri, zirehli maşınlar da daxil olmaqla qabaqcıl sistemlərlə təmin edir. Mən bu gün İspaniyanın Ukraynanın hava hücumundan müdafiəsini gücləndirmək üçün dörd "Hawk" buraxılış qurğusu təqdim etməsini alqışlayıram - müttəfiqlərin son günlərdə təqdim etdiklərinə əlavə olaraq, təşəkkür edirəm. 

O, əlavə edib ki, Kiyev mülki infrastrukturu Rusiyanın hücumlarından qorumaq üçün dron əleyhinə vəsait də alacaq.

Bundan əvvəl Stoltenberq bildirib ki, Ukraynaya hərbi tədarüklər bundan sonra hava hücumundan müdafiə sistemlərinə yönəldiləcək. Məsələn, Almaniya ilk İris-T hava hücumundan müdafiə sistemini Ukraynaya təhvil verdi, ABŞ isə yaxın gələcəkdə Kiyevə iki Nasams hava hücumundan müdafiə sistemi tədarük etməyi öhdəsinə götürdü.