Kabildə pasport idarəsi yaxınlığında partlayış baş verib

Onun kamikadze olub-olmadığı hələ məlum deyil

Bir neçə dəqiqə əvvəl Kabildə pasport idarəsi yaxınlığında partlayış baş verib.

Qazet.az Əfqanıstan mətbuatına istinadən bu barədə məlumat verir.

Talibanın Baş Pasport İdarəsinin girişində bomba yüklü avtomobil partladılıb və 3 nəfər yaralanıb.

Taliban Daxili İşlər Nazirliyi xəbəri təsdiqləyib. Nazirlik rəsmisi Aqilcan Əzzam bildirib ki, bu gün günortadan sonra hücum edənlərdən biri pasport idarəsinə soxulmağa cəhd edib. Baş Pasport İdarəsinin hərbi qulluqçuları hücumun qarşısını ala bilib. Onun kamikadze olub-olmadığı hələ dəqiqləşdirilməyib.

Bəzi mənbələr insident nəticəsində 3 nəfərin yaralandığını yazıb.