“Keşlə” ilk qələbəsini qazandı - VİDEO

Futbol üzrə Azərbaycan Premyer Liqasında VI tur davam edir

Futbol üzrə Azərbaycan Premyer Liqasında VI tur davam edir.

Qazet.az xəbər verir ki, günün ilk matçında “Keşlə” “Sabah”ı qəbul edib.

“ASK Arena”da keçirilən görüş meydan sahiblərinin 2:0 hesablı qələbəsi ilə yekunlaşıb. “Keşlə”nin ilk qolunu 3-cü dəqiqədə Merab Giqauri vurub. 90+5-ci dəqiqədə isə Felipe Santos fərqlənib.

Bu mövsüm ilk qələbəsini qazanan “Keşlə” 4 xalla 7-ci pilləyə yüksəlib. “Sabah” isə 1 xalla sonuncu - 8-ci yerdədir.

İlk oyun günündə isə “Zirə” evdə “Sumqayıt”ı 1:0 hesabı ilə məğlub edib. Tura oktyabrın 3-də oynanılacaq “Qarabağ” – “Qəbələ” qarşılaşması ilə yekun vurulacaq.