Koronavirus xəstələri ictimai yerlərdə aşkar edilərək saxlanılıb

 Saxlanılan şəxslərlə izahedici söhbətlər aparılıb, tibbi prosedurları gözləməklə yaşadıqları evlərə qaytarılıb

Noyabrın 22-də polis əməkdaşları tərəfindən respublika ərazisində 3 nəfər aktiv koronavirus xəstəsi ictimai yerlərdə aşkar edilərək saxlanılıb.

Qazet.az xəbər verir ki, bu barədə Daxili İşlər Nazirliyi məlumat yayıb. 

Polis əməkdaşları COVID-19 virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadıqları evlərə qaytarıb və bu barədə müvafiq səhiyyə qurumları məlumatlandırılıb.