Kreml növbəti dəfə Medvedçukdan imtina etdi

Rusiya prezidentinin mətbuat katibi Dmitri Peskov Ukrayna hərbçilərinə dəyişdirilən Viktor Medvedçukun hazırda harada olduğunu bilmədiyini bildirib.

Qazet.az xarici KİV-ə istinadən xəbər verir ki, o, bu barədə brifinqdə jurnalistlərin suallarını cavablandırarkən deyib. 

Medvedçukun mübadiləsi ilə bağlı suala Peskov "Mən mübadilə mövzusu ilə bağlı məlumat vermirəm",- deyib. 

Mətbuat katibi Putinin Medvedçukla əlaqə saxlayıb-söhbət etmədiyini də bilmədiyini bildirib.

Xatırladaq ki, sentyabrın 21-də “Azov” alayının beş komandiri və on əcnəbi əsgər də daxil olmaqla, 215 ukraynalı müdafiəçi Rusiya əsirliyindən Ukraynaya qaytarılıb. Bu mübadilə çərçivəsində Kiyev 55 rusu və Viktor Medvedçuku Moskvaya təhvil verib.