Kremldən Afinanın Türkiyə "narahatlığı"na gözəl cavab

Dədəağac limanı vasitəsilə Yunanıstana daşınan silahlar isə müdafiə silahları deyil

S-400 sistemləri hava hücumundan müdafiə vasitəsidir.

Qazet.az axar.az-a istinadən xəbər verir ki, bunu Kremlin sözçüsü Dmitri Peskov yunan jurnalistin "Yunanıstanın Türkiyənin Rusiyadan aldığı S-400 hava hücumundan müdafiə sistemlərindən narahat olduğu" ilə bağlı sualına cavabında deyib.

"Dədəağac limanı vasitəsilə Yunanıstana daşınan silahlar isə müdafiə silahları deyil", - deyə Peskov bildirib.

Kreml sözçüsü ABŞ və NATO əsgərlərinin Yunanıstanda cəmləşməsi və alyansın hərbi texnikasının Dədəağac limanı vasitəsilə daşınmasının Rusiyada narahatlıq yaratdığını vurğulayıb.

Qeyd edək ki, NATO-nun 120 helikopter və 1000 hərbi texnikasının Dədəağac limanından istifadə etməklə alyansın şərq sərhədinə - Yunanıstan, Bolqarıstan və Rumıniyaya yerləşdirilməsi üçün irimiqyaslı hazırlıq getdiyi haqda məlumat yayılıb.