Küveyt təyyarəsi bomba xəbərdarlığına görə Türkiyədə təcili eniş edib

Sərnişinlər təyyarədən tək-tək yoxlanaraq buraxılıb

Küveytin "Jazeera Airways" aviaşirkətinə məxsus təyyarə Türkiyənin bomba xəbərdarlığı ilə əlaqədar Trabzon şəhərinin hava limanında təcili eniş edib.

Qazet.az-ın məlumatına görə, hava limanına çoxlu sayda polis qüvvələri cəlb olunub. Aeroport müvəqqəti olaraq bağlanıb.

Qeyd olunur ki, sərnişinlər təyyarədən tək-tək yoxlanaraq buraxılıb. Partlayıcı maddə mütəxəssisləri təyyarədə axtarış aparıb.

İlkin məlumatlara əsasən, təyyarədə partlayıcı maddə aşkar edilməyib.