Lebron Ceyms Maykl Cordanın nailiyyətini təkrarlayıb

ABŞ-ın "Los-Anceles Leykers" klubunun basketbolçusu Lebron Ceyms əfsanəvi oyunçu Maykl Cordanın nailiyyətini təkrarlayıb.

Qazet.az "Clutch Points" nəşrinə istinadən xəbər verir ki, o, buna "Atlanta Hoks"a 130:121 hesabı ilə qalib gəldikləri görüşdə müvəffəq olub.

Qarşılaşmada 47 xal toplayan Ceyms NBA tarixində 38 yaşında bunu bacaran üçüncü basketbolçudur.

Qeyd edək ki, Lebron Ceyms 2018-ci ildən "Los-Anceles Leykers"də çıxış edir.