Levandovski ilin son matçında iştirak edəcək

"Barselona"nın hücumçusu Robert Levandovski La Liqanın 15-ci turunda "Espanyol"la sabahkı görüşdə oynaya biləcək.

Qazet.az xəbər verir ki, bu barədə klubun rəsmi saytı məlumat yayıb.

Levandovski “Osasuna” ilə oyundakı davranışına görə o, 3 oyunluq cəzalandırılmışdı. "Barselona"nın etiraz müraciətinə əsasən, bu cəzanın başlanılması təxirə salınıb. 

Əgər məhkəmə daha sonra buna baxmayaraq, "Barselona"nın xeyrinə qərar verməzsə, polşalı forvard diskvalifikasiya edilməli olacaq. Yekun qərar verilənə qədər isə Levandovski oynaya bilər.

Qeyd edək ki, 34 yaşlı hücumçu bu mövsüm La Liqada 14 oyunda 13 qol vurub.