"Liv Bona Dea Hospitalı" aztəminatlı ailələr və onların övladları üçün festival keçirib - FOTO

Bu gün "Liv Bona Dea Hospital"ında uşaqlar üçün əyləncəli oyun festivalı keçirilib.  

Qazet.az xəbər verir ki, tədbirin keçirilməsində məqsəd aztəminatlı ailələrə dəstək, onların övladlarının istirahət vaxtının yaddaqalan olmasını təşkil etməkdir. 

"Liv Bona Dea Hospitalı" adından belə tədbirlərin ənənəvi keçiriləcəyi bildirilib. 

Həmçinin bu tədbirlər çərçivəsində xüsusi həssas kateqoriyadan olan azyaşlılar üçün 1 illik pulsuz müayinə paketləri hədiyyə olunur. 

Xüsusi olaraq bu tədbirdə kərməs təşkil olunub. Bu kərməs vasitəsilə olan satışlar xüsusi həssas kateqoriyadan olan uşaqlara və ehtiyacı olan ailələrə yönləndiriləcək. Bu da xeyriyyə məqsədi daşıyır. 

Tədbirdə azyaşlılar üçün "Panda şou", üz boyamaq və digər əyləncəli tədbirlər təşkil olunub. 

"Liv Bona Dea Hospitalı"nın direktor müavini Semra Başaran bu gün keçirilən həssas uşaqlar üçün tədbir sonrası jurnalistlərin suallarını cavablandırıb. 

O tədbirin mahiyyətini belə izah edib:

"Bu gün burada uşaqlar üçün hospital adından şənlik təşkil etdik. Uşaqlar bizim gələcəyimizdir. Onlar əylənsin daima xoşbəxt olsunlar. Bununla ayrıca həssas qrupdan olan ailələrə dəstək olmaq istədik. Ümid edirəm yaxşı bir festival olub. Daha da yaxşı festivallar təşkil etmək üçün bacardığımızı edəcəyik".