Madaqaskar sahillərində dəhşətli gəmi qəzası baş verib

Həmin gündən xilasetmə əməliyyatı davam edir

Madaqaskar sahillərində qanunsuz sərnişin daşıyan yük gəmisi qəzaya uğrayıb. 

Qazet.az xəbər verir ki, Cənub-Şərqi Afrikada Madaqaskarın şimal-şərq sahillərində yük gəmisinin batması nəticəsində 85 nəfər ölüb.

Qeyri-qanuni yollarla sərnişin daşıyan yük gəmisi bazar ertəsi naməlum səbəblərdən qəzaya uğrayıb və su gəminin mühərrik qutusuna sızıb. 

Həmin gündən xilasetmə əməliyyatı davam edir.

Gəmi 130 sərnişini Antanambi şəhərindən Suanirana-İvanqo bölgəsinə aparırmış. 

Madaqaskar Dəniz Administrasiyası gəminin gövdəsindəki dəlikdən suyun sızdığını bildirib, lakin bunun səbəbi hələ ki bəlli deyil.