Malayziya xarici işlər naziri müavininin Azərbaycana səfər tarixi bəlli olub
Siyasət
16:34 19 yan, 2022
Bu barədə Malayziyanın Azərbaycandakı səfirliyindən bildirilib
Malayziya xarici işlər nazirinin müavini Kəmərüdin Cəfər Azərbaycana yanvarın 21-də gələcək.
Qazet.az xəbər verir ki, bu barədə Malayziyanın Azərbaycandakı səfirliyindən bildirilib.
Üçgünlük işgüzar səfəri çərçivəsində qonağın xarici işlər naziri Ceyhun Bayramovla görüşü nəzərdə tutulub. Görüşdə iki ölkə arasında əməkdaşlığın daha da genişləndirilməsi, həmçinin koronavirus pandemiyasından sonrakı dövrdə iqtisadi və ticarət əlaqələrinin gücləndirilməsi məsələləri müzakirə olunacaq.