MAQATE: İran artıq birdən çox atom bombası yarada bilər

MAQATE-nin baş direktoru Rafael Grossi CBS telekanalına bildirib ki, İran artıq "birdən çox" atom bombası yaratmaq üçün kifayət qədər zənginləşdirilmiş urana malikdir.

Qazet.az xəbər verir ki, MAQATE rəhbərinin sözlərinə görə, “geri dönüş nöqtəsi” hələ keçməyib.

Bir jurnalistin “İran nüvə bombası yaratmağa nə qədər yaxındır” sualına Qrossi belə cavab verib: “Zənginləşdirilmiş uran istehsalının hazırkı səviyyəsində İran istəsələr, birdən çox cihaz istehsal edəcək qədər ehtiyat toplayıb. Amma İranın nüvə silahı proqramına malik olduğunu göstərən heç bir məlumatımız yoxdur”.

“İranla geri dönüş nöqtəsinə çatdığımızı deyə bilərikmi? Onu sadəcə nüvə dövləti kimi tanımağın vaxtı deyilmi?” - MAQATE rəhbəri bu suala mənfi cavab verdi: “Xeyr, biz bu nöqtəyə çatmamışıq. Amma bunun qarşısını almaq üçün çalışmalıyıq”.