Mərakeş yığması dünya çempionatlarında ilkə imza atıb

Mərakeş millisi dünya çempionatları tarixində yarımfinal mərhələsinə vəsiqə qazanan ilk Afrika təmsilçisi olub.

Qazet.az-ın məlumatına görə, yığma buna Qətərdə keçirilən mundialda yiyələnib.

Mərakeş DÇ-2022-nin 1/4 finalında Portuqaliyanı 1:0 hesabı ilə üstələyib.

Afrikalılar növbəti raundda Fransa - İngiltərə cütünün qalibi ilə üz-üzə gələcək.

Mərakeşdən əvvəl Kamerun (1990), Seneqal (2002) və Qana (2010) 1/4 finalda iştirak etsə də, mərhələ adlaya bilməyib.