Məşhur futbolçularımız milli üzvünün toyunda rəqs etdilər - Video/FOTO

23 yaşlı futbolçunu bu xoş günündə Türkiyənin məşhur televiziya siması və iş adamı Acun Ilıcalı təbrik edib. 

Azərbaycanın 21 yaşlılardan ibarət yığmasında çıxış etmiş Ozan Kökçünün Bakıda toyu olub.

Qazet.az xəbər verir ki, futbolçu Sevil Novruzova ilə rəsmi nikaha daxil olub. Qız toyu mərasimi Bakıdakı dəbdəbəli restoranların birində baş tutub. Oğlan toyu isə Niderlandda olacaq.

Toy məclisində Azərbaycan yığmasının ulduz futbolçusu Mahir Emreli və Təmkin Xəlilzadə də iştirak edib.

Toyda millinin üzvləri həm bəy, dəm də digər qonaqlarla maraqlı rəqs ediblər. 

Qeyd edək ki, Niderlandda doğulan türkəsilli Ozan Can Azərbaycanın U-21 millisində 14 oyunda meydana çıxıb, 1 qol vurub.

2019-cu ilin yayından 2020-ci ilin dekabrına qədər “Sabah”ın formasını geyinib. Hazırda icarə əsasında Niderlandda “Telstar”ın uğurları üçün tər tökür.

Ozan Canın kiçik qardaşı Orkun Kökçü “Feyenoord”un aparıcı futbolçularından biri hesab olunmaqla yanaşı, Türkiyənin əsas millisinin şərəfini qoruyur.