Məşhur məşqçinin sağ ikən heykəli ucaldıldı - ÜÇÜNCÜ DƏFƏ

Qreven Muzeyində əfsanəvi futbolçu, "Real"ın sabiq baş məşqçisi Zinəddin Zidanın mum-heykəlinin təqdimatı keçirilib.

Qazet.az Fransa mətbuatına istinadən xəbər verir ki, təqdimatda Zidan və həyat yoldaşı da iştirak edib.

Bu, Qreven Muzeyində Zidanın üçüncü mum-heykəlidir. İlk dəfə belə bir heykəl orada 1999-cu ildə - "Stad de Frans"da keçirilən DÇ-1998-in final matçından bir il sonra (onda hələ Zidanın saçı vardı), ikincisi isə 2009-cu ildə hazırlanıb.

Bununla da Zidan general Şarl de Qol və Kraliça II Elizabet kimi üç və daha çox mum-heykəli olan tarixi şəxsiyyətlərlə bir sırada yer alıb.