Məşhur müğənni ikinci oğlunu da itirdi - FOTO

Dünyaca məşhur müğənni Tina Törner 4 il əvvəl oğlu Kreyqi itirib. 

Qazet.az xarici KİV-ə istinadən xəbər verir ki, onun ikinci oğlu Ronni Törner də həyatını itirib. 

62 yaşlı Ronni Törner evinin qarşısında yerdə uzanmış vəziyyətdə tapılıb. Ronni Törneri tibbi yardıma baxmayaraq xilas etmək mümkün olmayıb. 83 yaşlı müğənninin oğlunun ölüm səbəbi açıqlanıb.

Los Anceles Ədliyyə Tibb İnstitutundan verilən açıqlamada Ronnie Törnerin kolon xərçəngi ilə bağlı ağırlaşmalardan öldüyü bildirilib. Onun həyat yoldaşı Afida Törner bir neçə ay əvvəl Ronnie Turnerə xərçəng diaqnozu qoyulduğunu açıqlayıb.

Tina Törner oğlunun ölüm xəbərindən sonra sosial şəbəkədə ürəkağrıdan paylaşım edib.

Törner açıqlamasında ​​"Ronni, sən dünyanı tez tərk etdin. Kədər içindəyəm və gözlərimi yumub səni düşünürəm, oğlum" yazıb.