Məşhur qapıçı özünü yeni idman növündə sınayacaq

"Arsenal"ın və "Çelsi"nin sabiq qapıçısı, son olaraq "Qilford Finiks" xokkey klubunda çıxış edən Peter Çexin yeni komandası müəyyənləşib.

Qazet.az xəbər verir ki, 40 yaşlı qolkiper "Çelmsford" xokkey klubuna keçib. Bu barədə o, öz sosial şəbəkə hesablarında paylaşım edib. Çex İngiltərənin 3-cü divizionunda mübarizə aparan komandaya məqsədlərinə çatmaq üçün kömək etmək istədiyini bildirib.

Qeyd edək ki, Peter Çex karyerası ərzində "Arsenal", "Çelsi", "Renn" kimi komandalarda da oynayıb. O, 2002-2016-cı illərdə Çexiya millisinin formasını geyinib.