Məşhur reper bıçaqlanaraq öldürüldü - FOTO

Kanadada 36 yaşlı reper Pat Stay bıçaqlı hücumda dünyasını dəyişib.

Qazet.az xəbər verir ki, onun qardaşı Pit də CBC-yə böyük qardaşı Pat Stayın öldüyünü təsdiqləyib.

Yeni Şotlandiya ştatının Halifax şəhərindəki cinayətlə əlaqədar polis qatili tapmaq üçün vətəndaşlardan əməkdaşlıq tələb edib. Hadisə gecə yarısı baş verib.

Hadisə yerinə təcili yardım maşını  gəlib və Stay  xəstəxanaya çatdırılsa da, onun həyatını xilas etmək mümkün olmayıb. 

Sərbəst rep mahnıları ilə tanınan Pat Stay üçün məşhur reper Drake "ən yaxşılardan biri" ifadəsini işlədib.

Xatırladaq ki, Stay ölümündən 2 gün əvvəl yeni mahnısı The Game DISS-i Youtube-da yayımlamışdı.