"Milan"ın bu rekordu qırıldı

"Milan" klubunun İtaliya A Seriyasında səfərdə məğlubiyyətsiz oyunlar seriyası başa çatıb.

Qazet.az-ın məlumatına görə, Stefano Piolinin baş məşqçi olduğu komanda XII turda "Torino" ilə matçda uğursuzluqla üzləşib.

Rəqibinə 1:2 hesabı ilə uduzan Milan təmsilçisinin 17 görüşlük seriyası qırılıb. Komanda bu tura qədər səfərdə 12 qələbə və 5 heç-heçə əldə etmişdi.

Qeyd edək ki, "Milan" 26 xalla A Seriyasında üçüncü pillədədir.