Milli Kulinariya Konqresi keçirildi - FOTO
Bu gün "Baku Marriott Boulevard Hotel"də Milli Kulinariya Mərkəzi və Azərbaycan Kulinariya Mütəxəssisləri Assosiasiyasının təşkilatçılığı ilə Milli Kulinariya Konqresi keçirilib.
Qazet.az xəbər verir ki, tədbirdə Dövlət Turizm Agentliyinin sədri Fuad Nağıyev, Gənclər və İdman naziri Fərid Qayıbov, Azərbaycan Respublikasının Kiçik və Orta Biznesin İnkişafi Agentliyinin sədri Orxan Məmmədov, "Caspian Event Organisers" şirkətinin baş direktoru Fərid Məmmədov, Azərbaycan Kulinariya Mütəxəssisləri Assosiasiyasının dövlət və ictimai təşkilatlar ilə iş üzrə sədr müavini Fərhad Aşurbəyli, Milli Kulinariya Mərkəzinin baş direktoru Orxan Fikrətoğlu, xarici ölkələrdən nümayəndələr və aşpazlar iştirak edib.
Qonaq qismində iştirak edən sədrlər kulinariya sahəsində ölkəmizdə baş verən yeniliklər haqqında məlumat verdilər. Azərbaycanın Milli mətbəxinin xarici ölkələrə tanınması barədə ətraflı məlumat verildi. Gənc aşpazların əməyi yüksək qiməyləndirildi. Tədbirin sonunda qonaqlar üçün ziyafət süfrəsi təşkil olundu.