Bakı 25˚C Sunny

Minskə raket atıldı? - RƏSMİ AÇIQLAMA

Gündəm 01:52 12 mar, 2022

"Müdafiə Nazirliyi birmənalı olaraq bəyan edir ki, Belarus kəndinə raket hücumu barədə məlumat tamamilə cəfəngiyyatdır"

Minskə raket atıldı? - RƏSMİ AÇIQLAMA

"Belarusun ərazisinə raket hücumu barədə məlumat yalandır".

Qazet.az "qafqazinfo"-ya istinadən xəbər verir ki, bu barədə  Belarus Müdafiə Nazirliyinin rəsmi nümayəndəsi İnna Qorbaçova bildirib. Bundan əvvəl Ukrayna KİV-ləri guya Rusiya təyyarələrinin Ukrayna ərazisindən Belarusun Kopani kəndini atəşə tutması barədə məlumat yayıb.

"Müdafiə Nazirliyi birmənalı olaraq bəyan edir ki, Belarus kəndinə raket hücumu barədə məlumat tamamilə cəfəngiyyatdır", - Qorbaçova qeyd edib. 

Xatırladaq ki, Ukrayna Dövlət Sərhəd Xidməti Rusiya Silahlı Qüvvələrinin Ukrayna ilə sərhəddə Belarus ərazisinə zərbələr endirməsi barədə məlumat yaymışdı. Bildirilirdi ki, Rusiyanın Belarusun yaşayış məntəqələrinə bu cür hücumu və hərəkətləri Belarus Silahlı Qüvvələrini Ukrayna ilə müharibəyə cəlb etmək məqsədilə məqsədyönlü təxribatdır.