Misirdə məscid və məktəblərin yaxınlığında qəlyan çəkmək qadağan olunub

Misir hakimiyyəti qəlyanın məscid, kilsə və məktəblər daxil olmaqla, bütün təhsil müəssisələrinin yaxınlığında çəkilməsinə qadağa qoyub.

Qazet.az TASS-a istinadən xəbər verir ki, Misir hökumətinin bununla bağlı qərarı dekabrın 11-dən qüvvəyə minir.

Misirdə bundan sonra qəlyan yalnız kafelərdə və ya məscid, kilsə və bütün təhsil müəssisələrindən azı bir kilometr aralıda yerləşən, qəlyan çəkmək üçün nəzərdə tutulmuş xüsusi yerlərdə çəkilə bilər.