Moskvada Fidel Kastronun abidəsi ucaldıldı

Rusiya Prezidenti Vladimir Putin və Kuba lideri Dias Kanel Bermudes Moskvada Fidel Kastronun abidəsinin açılışını ediblər.

Qazet.az xəbər verir ki, təntənəli mərasim noyabrın 22-də baş tutub.

Üç metr hündürlüyündə olan abidə tuncdan hazırlanıb. Belə ki, Kastro üzərində Kuba xəritəsi olan qayanın üzərində dayanıb.

Kremldən verilən məlumata əsasən, abidə öz ölkəsində insan hüquq və azadlıqlarını müdafiə edən bir şəxsin qəhrəmanlıq yolunu əks etdirmək üçün nəzərdə tutulub.

Qeyd edək ki, Fidel Kastro Kuba inqilabının liderlərindən biridir. O, 1959-2008-ci illərdə Kuba Nazirlər Şurasının sədri vəzifəsində çalışıb, 2016-cı ildə vəfat edib.