Nadir hadisə: uşaq valideynləri ilə eyni gündə dünyaya gəlib

ABŞ-ın Alabama ştatında nadir hadisə qeydə alınıb. Uşaq hər iki valideyni ilə eyni gündə doğulub. Bu barədə "Huntsville" xəstəxanasının əməkdaşları tibb müəssisəsinin Facebook-dakı rəsmi səhifəsində məlumat veriblər.

Qazet.az "Gazeta.ru" ya istinadən xəbər verir ki, həyat yoldaşları Kassidi və Diylan Skott dekabrın 18-də dünyaya gələn qızın valideynləridir. Hər iki valideyn də bu tarixdə doğulublar. Həkimlərin körpənin dekabrın 18-də doğulacağına dair proqnozları 1 ilə 133 min arasında idi və buna baxmayaraq qız valideynləri ilə eyni tarixi seçib.

Qızın tibbi arayışında onun dekabrın 18-də saat 00:30-da doğulduğu yazılıb.