NASA astronavtları kosmosda gəzintiyə çıxdılar

Beynəlxalq Kosmik Stansiyada (BKS) NASA astronavtları Coş Kassada və Frank Rubio BKS-də yeni günəş panelləri quraşdırmaq üçün kosmosa çıxıblar.

Qazet.az NASA-ya istinadən xəbər verir ki, təxminən 7 saat davam etməsi planlaşdırılan gəzinti zamanı, cəmi 6 ədəd Roll-Out Solar Array (iROSA) adlı yeni günəş panelinin 4-cü hissəsini ISS-ə quraşdıracaqlar.
 

iROSA-ların stansiyanın mövcud günəş paneli sistemini gücləndirməsi və quraşdırılacaq 6 panel ilə ISS-nin enerji təchizatını 20-30 faiz artıracağı gözlənilir.

Sözügedən kosmos yürüşünün əvvəlcə dekabrın 19-da baş tutması planlaşdırılırdı, lakin BKS ilə birləşən “Soyuz MS-22” kosmik gəmisindəki sızıntının təhqiqatı və Rusiyanın kosmik tullantıları riski səbəbindən təxirə salınıb.