Nigeriyada əsgərlərə hücüm olunub - Onlarla ölü
Gündəm
00:55 26 sen, 2021
Nigeriyada terrorçular ordu karvanına hücum edib, onlarla əsgəri öldürüblər
![Nigeriyada əsgərlərə hücüm olunub - Onlarla ölü](https://qazet.az/resized/fit900x500/center/pages/27176/8a4d9537-8154-424e-946b-85e3ebbe9f6a.jpeg)
Nigeriya ordusunun 30 əsgəri "Boko Haram" terror təşkilatının silahlıları tərəfindən pusquya düşüblər.
Qazet.az xəbər verir ki, bu barədə Nigeriyanın "Vanguard" qəzeti məlumat yayıb.
Məlumata görə, ordu karvanına ölkənin şimal-şərqində yerləşən Borno əyalətindən hücum edilib. Silahlılar pusqudan hərbi yük maşınlarına qumbaraatanlardan atəş açıblar.
Nəşrin əldə etdiyi ilkin məlumata görə, 16 hərbçi öldürülüb, lakin sonradan bu rəqəm 30-a yüksəlib.
Ordunun əsgərləri arasında itkin düşənlər də var.
Qeyd edək ki, Nigeriyada "Boko Haram" terrorçu qruplaşmasının 2009-cu ildən indiyədək törətdiyi terror hücumları nəticəsində 20 mindən çox insan ölüb.