Bakı 5˚C Mostly cloudy

Nuland: "Putin qalib gəlsə, dünya daha təhlükəli olacaq"

Gündəm 03:00 02 dek, 2022
Nuland: "Putin qalib gəlsə, dünya daha təhlükəli olacaq"

“Putin qalib gəlsə, dünya daha təhlükəli olacaq”.

Qazet.az xəbər verir ki, bunu ABŞ dövlət katibinin müavini Viktoriya Nuland deyib. O bildirib ki, döyüş meydanında uğursuzluğa düçar olan Rusiya Prezidenti Vladimir Putin qış yaxınlaşdıqca mülki infrastruktura hücumlar edərək ukraynalıları dondurmağa çalışır.
 

Nulandın fikrincə, Kremlin Ukraynanı “zorakılıqla fəth etmək” cəhdləri, onun nüvə şantajı və aclıqdan silah kimi istifadə etməsi dəf edilməli və məğlub edilməlidir.

“Əgər bu baş verməsə, dünya daha təhlükəli olacaq. Putin döyüş meydanında məqsədinə çatmayandan sonra insanları qaranlığa və soyuğa qərq etmək məqsədinə çatmamalıdır”, – deyə Nuland bildirb.

Nuland vurğulayıb ki, Rusiya Federasiyası Ukraynanın azad seçiminə qarşı mübarizə aparır, Putin buna dözə bilmir.

“Hər gün Ukraynaya yeni terror dalğaları və insanlığa hücumlar gətirir. Bütün bunlar Kremldəki bir şəxsin məkrli planlarının nəticələridir. Lakin Ukrayna onun fantaziya imperiyasının sonuncusu deyil. Ukrayna azad, qürurlu və getdikcə daha uğurlu bir Avropa xalqıdır”, – Nuland deyir.