Nyu Yorkda Robert De Nironun evi qarət edilib

Polis aktyor Robert De Nironun Nyu-Yorkdakı evini qarət etməyə cəhd edən 30 yaşlı qızı saxlayıb. 

Qazet.az Caliber-ə istinadən xəbər verir ki, təcavüzkar dekabrın 19-da səhər saat 3:30-da De Nironun evinə gedib. O, ağacın altında olan Milad hədiyyələrini oğurlamağa çalışsa da, aktyor həmin an evdə ailəsi ilə birlikdə olduğu üçün vəziyyəti yoxlamaq üçün aşağı düşüb. Cinayətkarı tapan De Niro polisə zəng vurub, polis qızı saxlayıb.

KİV-in məlumatına görə, hücum edən şəxs oxşar cinayətlərdə ilk dəfə tutulmur.