"Olimpiakos" ulduz futbolçunun müqaviləsini ləğv etmək istəyir

Braziliya millisinin sabiq futbolçusu Marselo Yunanıstanın "Olimpiakos" klubundan ayrıla bilər.

Qazet.az "Mundo Deportivo" nəşrinə istinadən xəbər verir ki, Pirey təmsilçisi 34 yaşlı müdafiəçinin müqaviləsini ləğv etmək istəyir.

Klub rəhbərliyi təcrübəli oyunçunun fiziki durumu pis olduğu üçün bu variantı nəzərdən keçirir. Marselonun komandanın məşqçilər korpusu ilə də münasibətləri yaxşı deyil.

Qeyd edək ki, "Olimpiakos" UEFA Avropa Liqasında "Qarabağ"la birlikdə G qrupunda yer alıb. Hazırkı ölkə çempionu iki xal toplayaraq sonuncu yeri tutub. 2007 - 2022-ci illərdə İspaniya "Real Madrid"ində çıxış edən Marselo sentyabrda Afina təmsilçisi ilə 1+1 illik müqavilə imzalamışdı.