Oman dənizində ABŞ-la İran hərbçiləri arasında qarşıdurma - Video

ABŞ donanması tanker yenidən ələ keçirməyə cəhd etsə də, buna müvəffəq olmayıb. 

ABŞ Oman dənizində İrana məxsus neft tankerini ələ keçirməyə cəhd edib.

“Qazet.az” xəbər verir kİ, bununla bağlı görüntülər sosial mediada yayılıb. İran dövlət televiziyasının xəbərinə görə, ABŞ tankerin daşıdığı yanacağı başqa gəmiyə yüklədikdən sonra onu naməlum istiqamətə aparıb. Lakin İnqilab Keşikçiləri Korpusunun Hərbi Dəniz Qüvvələri helikopterlərlə enmə əməliyyatı edərək tanker İranın ərazi sularına doğru geri qaytarıb. ABŞ donanması tanker yenidən ələ keçirməyə cəhd etsə də, buna müvəffəq olmayıb. 

Qeyd edək ki, ABŞ bu iddiaları yalanlayıb. Adının çəkilməsini istəməyən rəsmi mənbənin bildirdiyinə görə, İnqilab Keşikçiləri Korpusunun Hərbi Dəniz Qüvvələri keçən həftə beynəlxalq sularda qanunsuz olaraq tankerə daxil olublar, lakin onlara müdaxilə olunmayıb.