Ötən ay tapılan minaların sayı

Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə əməliyyatları barədə aylıq məlumat açıqlayıb.

ANAMA-dan Qazet.az-a bildirilib ki, sentyabrın 1-dən 30-dək Kəlbəcər, Tərtər, Ağdam, Xocalı, Füzuli, Şuşa, Xocavənd, Laçın, Qubadlı, Cəbrayıl və Zəngilanda 1695 piyada əleyhinə mina, 747 tank əleyhinə mina və 1363 Partlamamış Hərbi Sursat (PHS) aşkarlanıb.

Bildirilib ki, 4064,06 hektar ərazi mina və PHS-lərdən təmizlənib.