Ötən il ölkədə qeyri-rəsmi nikahlardan doğulan uşaqların sayı açıqlandı
Cəmiyyət
17:33 24 dek, 2021
“Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”nda deyilir
Ötən il Azərbaycanda nikahları rəsmi qeydə alınmamış analar tərəfindən doğulan uşaqların sayı açıqlanıb.
Bu, “Gender bərabərliyinin təmin edilməsinə nəzarəti həyata keçirən icra hakimiyyəti orqanının illik məlumatı”nda əksini tapıb.
2020-ci ildə doğulan 126 571 uşağın 67 407 nəfəri oğlan, 59 164 nəfəri isə qızdır.
Bu uşaqlardan 108 857 nəfəri (58 219 oğlan, 50 638 qız) nikahları rəsmi qeydə alınmış analar tərəfindən, 17 714 nəfəri (9 188 oğlan, 8 526 qız) nikahları rəsmi qeydə alınmamış analar tərəfindən doğulub.