Öz ölüm tarixini dəqiqliklə demiş kahinin 2022-ci il PROQNOZLARI

Öz öləcəyi günü bilən fransız kahin Nostradamusun 2022-ci illə bağlı proqnozları gündəm olub

16-cı əsrdə yaşamış, öz öləcəyi günü bilmiş fransız kahin Nostradamusun 2022-ci illə bağlı proqnozları gündəm olub.

Qazet.az bildirir ki, kahin üzümüzə gələn ildə dünyada iqtisadiyyatının çökəcəyini, sosial-siyasi proseslərin nəzarətdən çıxacağını və bunun milyonlarla insana təsir edəcəyini deyib.

Onun ilk kəhanəti Yerlə meteroidin toqquşması ilə bağlıdır. NASA bu hadisənin baş vermə tarixi kimi 2021-ci ilin sonunu işarə etsə də, Nostradamusun iddiasına görə, 2022-ci ildə Yerə meteor düşəcək. O, uzun qığılcım cığırından danışıb və bu da təkcə asteroidlər deyil, həm də zəlzələ və sunamilər deməkdir.

Məşhur kahinin növbəti proqnozu süni intellektlə əlaqəlidir. O, 2022-ci ildə bu sahədə inanılmaz irəliləyişin baş verəcəyini açıqlayıb. Kahinin fikrincə,  kompüterlər və robotlar bu il insanları ələ keçirəcək və yavaş-yavaş dünyaya hakim olmağa başlayacaq.  Nostradamus həmçinin vaxtilə bildirib ki, 2022 ildə dünyada böyük bir partlayış yaşanacaq və bu, iqlim dəyişikliklərinə səbəb olacaq.

Qeyd edək ki, Nostradamus ölümündən öncə ona "Gecəniz xeyirə” deyən rahibə "Sabah öləcəyəm” cavabını verib və proqnozunun doğru çıxması insanlarda kahinin digər iddialarının da reallaşacağı ilə bağlı qorxu yaradıb.