Pakistanda sərnişin avtobusu dərəyə aşıb, 23 nəfər ölüb

Hadisə Pallandri bölgəsində baş verib

Pakistanın Azad Cammu Kəşmir bölgəsində sərnişin avtobusunun dərəyə aşması nəticəsində 23 nəfər ölüb.

Qazet.az xəbər verir ki, bu barədə “TRTHaber” məlumat paylaşıb.

Məlumata görə, hadisə Pallandri bölgəsində baş verib.

Otuzdan çox sərnişinin olduğu avtobus Azad Cammu Kəşmirdən Ravalpindi şəhərinə hərəkət edirmiş.

Ərazidə axtarış-xilasetmə tədbirləri həyata keçirilir.

Qəzanın səbəbi məlum deyil.