Partiya sədri Saakaşviliyə görə aclıq elan etdi

“Həkimlər Saakaşvilinin həyati təhlükəsi olmadığını bəyan etdikdə, aclığı dayandıracağam”.

Gürcüstanın müxalif partiyası “Droa”nın (Vaxt gəldi) rəhbəri Elene Xoştariya eks-prezident Mixail Saakaşvili ilə həmrəylik nümayiş etdirərək aclıq aksiyasına başlayıb.

Qazet.az xəbər verir ki, bu barədə partiya lideri jurnalistlərə açıqlamasında deyib.

O bildirib ki, Saakaşvili mülki xəstəxanaya yerləşdirilməyənə kimi aclığı davam etdirəcək:

“Həkimlər Saakaşvilinin həyati təhlükəsi olmadığını bəyan etdikdə, aclığı dayandıracağam”.

Qeyd edək ki, Rustavi türməsində saxlanılan Saakaşvili artıq 34-cü gündür ki, aclığı davam etdirir.